![](https://4.bp.blogspot.com/-4_7St5b_6rI/Ws1loOzEwWI/AAAAAAAAu_k/nwkPXK_oJL4Qr-_BT_KBEQgC2BRZBEqCQCLcBGAs/s640/sahakari.jpg)
- अर्थ सरोकार इन्भेष्टिगेसन ब्यूरो
काठमाडौँ- पछिल्लो समयमा सहकारीले ठगेका ऋणीहरुका एक-एक घटना बाहिर आइरहेका बेला मानवीय बचत तथा ऋण सहकारी संस्था लिमिटेडको ऋणीको जग्गा खान खोजेको भन्दै विभिन्न निकायमा ऋणीहरुले हार गुहार गरेको तथ्य बाहिर आएको छ । आफुमाथि अन्याय भएको भन्दै पीडीतहरुले अर्थ सरोकार डटकममा स-प्रमाण मानवीय बचत तथा ऋण सहकारी संस्था लिमिटेडले गरेको बदमासीसहित आएपछि यस्तो खुलासा भएको हो । मानवीय सहकारीले निकै नै अमानवीय काम गरेर, सहकारीका अध्यक्षको मिलेमतोमा आफ्नो सम्पत्ति खान लागेको पीडित पक्षको दावी छ । आफुले ऋण तिर्दा तिर्दै पनि आफ्नो सम्पत्ति अरुको नाममा नामसारी गर्न लागेको भन्दै पीडीत पक्षले सम्बन्धित सबै निकायहरु गुहारेको छ भने सबैतिर सहकारीका अध्यक्षकै सेटिङ भएको आरोप लगाउँदै पीडीत पक्ष अर्थ सरोकार डटकमसम्म आइपुगेको थियो ।
यस्तो छ पीडीत पक्षले दिएको घटनाबारे बयान
पीडीत पक्षका अनुसार मानवीय बचत तथा ऋण सहकारी संस्था लिमिटेडमा नीतु हाउजीङको जग्गा राखी ऋण लिइएको थियो । ‘हामीले नितु हाउजीङको नाममा रहेको २ कित्ता जग्गा धितोमा राखेर टिकाराम तिवारीका नाममा ऋण लिइएको थियो । सुरुमा उहाँले केहि किस्ता बुझाउनुभयो । पछी उहाँले बाँकी किस्ता तिर्नुभएन ।पछी उक्त ऋणको रकम सावाँ र ब्याज गरी धेरै भएपछी सहकारीले लिलाम गरेर लियो । केहि समयपछी टिकाराम तिवारीले डिभिजन सहकारीमा ऋण तिर्छु भनेर निवेदन दिए । डिभिजन सहकारीले त्यसपछि सम्बन्धित सबैलाई पत्र लेख्यो ।’ पीडीत पक्षले अर्थ सरोकार डटकमसँग भने, ‘त्यसपछि समन्धित सबै पक्ष बसियो । मंगलबारसम्म सहकारीको खातामा पैसा जम्मा गर्ने सहमति पनि भयो । त्यहि सहमति अनुसार उक्त सहकारीको खातामा पैसा जम्मा पनि भयो । तर प्राविधिक कारणले भोलिपल्ट मात्रै उक्त सहकारीको खातामा पैसा जम्मा भयो । त्यो दिन सहकारी दिवस पनि थियो । त्यो सहकारी बन्द पनि थियो । तर उक्त जग्गा अर्कै व्यक्तिलाई विक्री वितरण गर्न ठिक्क पारिएको रहेछ । भोलिपल्ट हामी सहकारीको कार्यालयमा गयौं । अध्यक्ष थिएनन् । फोन एसएमएस, केहीको पनि प्रतिक्रिया आएन । हामीले ७८ लाख रुपैयाँ तिरेका छौं । तर सहकारीका अध्यक्षको मिलेमतोमा उक्त जग्गा ७५ लाखमै अरुलाई बेच्न लागिएको छ । हामीले सबै निकायहरु चाहारीसक्यौं । मालपोतले हाम्रो निवेदन दर्ता लिनै मानेन । सहकारीका अध्यक्ष मनोज बास्तोलाले हाम्रो जग्गा खान खोजे । सहकारीको नियम अनुसार ऋणीले सावाँ व्याज तिरेपछि उक्त जग्गा पाउनुपर्ने पहिलो हक ऋणीको हो । त्यहि अनुसार सहमति पनि भएको हो ।
![](https://4.bp.blogspot.com/-2we0hD0sC24/Ws1e2fGnwbI/AAAAAAAAu-Y/e2F2X5Wmk5I4MjakhGLYhm7n3PAkKr_HQCLcBGAs/s640/scan14.jpg)
नियममा के छ ? के भन्छ सहकारी ?
नियम अनुसार सावाँ र ब्याज तिरेपछि सम्पत्ति ऋणीकै हुने हो । यो लीलामी भइसकेको जग्गाको प्रकरण भएपनि मंगलबारसम्म पैसा बुझाउन भनिएकोमा ऋणीले सोहि दिन नै पैसा जम्मा गरिदिएका छन् । सहकारीमा कुन दिन के कारणले पुग्यो भन्ने फरक कुरा हुन सक्छ । तर बैंकमा सोहि दिननै डिपोजिट भएपछी ऋणी सेफल्याण्डमा हुनुपर्ने हो । त्यसमाथि सामान्य रुपमा हेर्दा पनि सहकारीले ७५ लाखमा अन्यलाई यो जग्गा बेच्न लागेको देखिन्छ । जवकी ७८ लाख ऋणीले तिरेका छन् । तर यस विषयमा हामीले बुझ्न खोज्दा सहकारीका अध्यक्ष मनोज बास्तोला सम्पर्कमा आउनै चाहेनन् । हामीले पटक पटक उनलाई सम्पर्क गर्न खोज्दा पनि उनी सम्पर्कबिहिन हुनुले ‘दालमा केहि कालो’ छ भन्ने संकेत गरेको छ ।
बाँकी तलका निवेदनहरु आफैं बोल्छन् :
![](https://3.bp.blogspot.com/-WOZYtO_3pp0/Ws1e1v8hXmI/AAAAAAAAu-M/m-7cZ5ptvGkPhEuYwjRncnqQWkhp4HkiACLcBGAs/s1600/scan1.jpg)
![](https://4.bp.blogspot.com/-SJgfIm5SnjU/Ws1e2l6e6dI/AAAAAAAAu-c/qOWmu2J8rmgaDZmguSG1Rocs9WhX3hLJACLcBGAs/s1600/scan2.jpg)
![](https://3.bp.blogspot.com/-fUxwbGQREkg/Ws1e25LqrkI/AAAAAAAAu-g/nlvyzZsWy7AY8kuF33fjxQaKOcfGw04vACLcBGAs/s1600/scan3.jpg)
![](https://1.bp.blogspot.com/-IM46QQ1UCro/Ws1e3pQq4eI/AAAAAAAAu-o/dRT76zhd0qgqLVMvMp7AoP4S7PG2UMT3ACLcBGAs/s1600/scan4.jpg)
![](https://3.bp.blogspot.com/-zeJer17poTo/Ws1e4KWeSuI/AAAAAAAAu-w/kw6rYaeC94QiFi0DX2RnWOoa8hGdNrPTACLcBGAs/s1600/scan5.jpg)
![](https://2.bp.blogspot.com/-5d2KtUNoZ0A/Ws1e4My51-I/AAAAAAAAu-s/q7CgvBvEDokYnWzwXDTWhTiBG_oByFfjgCLcBGAs/s1600/scan6.jpg)
![](https://1.bp.blogspot.com/-eKyjMmm8F9E/Ws1e4q9JrRI/AAAAAAAAu-4/EzJ4VZ_M7NU0P-NvagbZ_5wruO0ZKHu9wCLcBGAs/s1600/scan8.jpg)
![](https://2.bp.blogspot.com/-ytaYnzTDSxA/Ws1e4sl0L6I/AAAAAAAAu-0/kvBgHtML0sEXj7vhvSHdd_A69fCNRTU2ACLcBGAs/s1600/scan9.jpg)
![](https://4.bp.blogspot.com/-Qs_X8Vz_gXM/Ws1e2EZ2XJI/AAAAAAAAu-U/dFPbJ3xPCHoFOPFEzD9xuyikXU3fulUJQCLcBGAs/s1600/scan10.jpg)
![](https://3.bp.blogspot.com/-DO9pWJK0pgI/Ws1e1n28ivI/AAAAAAAAu-Q/8PKomNSfG0Ev6_yCfPU1peoAUX99eX8NACLcBGAs/s1600/scan12.jpg)
![](https://3.bp.blogspot.com/-Geb2Y_aFYuM/Ws1e3Gtlf2I/AAAAAAAAu-k/CwC8fGCDteAPaCbvRDzA18UmkVnW6KLcgCLcBGAs/s1600/scan33.jpg)
![](https://3.bp.blogspot.com/-1fGFIOWkC68/Ws1fCpY5ySI/AAAAAAAAu-8/seqcW0iw_iwyrH_YkHrnIuyRzrWzppoeACLcBGAs/s1600/scan7.jpg)