बुटवल – पश्चिम नेपाल बस व्यवसायी संघका उपाध्यक्ष जीवन कुमार बन्जाडे र महासचिव पदमराज गहालाई प्रहरीले नियन्त्रणमा लिएको छ ।
सिन्डिकेट हटाउने सरकारको निर्णयबिरुद्ध आन्दोलित नेपाल लोकतान्त्रिक यातायात व्यवसायी महासंघका केन्द्रीय सदस्य बन्जाडे र महासचिव गाहालाई रूपन्देही प्रहरीले नियन्त्रणमा लिएको हो ।
व्यवसायीले सार्वजनिक सवारी साधन नचलाएर आन्दोलनमा उत्रिएका बखत बुटवल मिलनचोकबाट प्रहरीले शुक्रबार दिउँसो बन्जाडेलाई नियन्त्रणमा लिएको हो ।
सिन्डीकेट हटाउने सरकारी निणर्यको विरोध गर्दै यातायात ठप्प पार्ने यातायात ब्यावसायीलाई पक्राउ गरी आवश्यक कारबाही गर्न गृह मन्त्रालयले ७७ वटै जिल्लाका प्रमुख जिल्ला अधिकारीलाई निर्देशन दिएको थियो । सोही निर्देशका आधारमा व्यवसायीहरू पक्राउ पर्न थालेका हुन् ।
