• सुदुरपश्चिम ब्यूरो / अर्थ सरोकार डटकम 

काठमाडौँ – कैलालीमा लुटपाटको खबर छ । कैलालीको धनगढी उपहानगरपालिका–१ मेनरोडमा गोली हानेर ९ लाख लुटपाट भएको हो । अर्थ सरोकार डटकमलाई प्राप्त जानकारी अनुसार आइतबार ‘फर्स्ट अओर’ मै सिद्धार्थ बैंकबाट पैसा झिकेर आइएमइ जाँदै गरेका निर्मल कार्कीमाथि गोली प्रहार गरी लुटपाट भएको हो । धनगढी-३ बस्ने ३७ वर्षीय निर्मल कार्कीमाथि गोली प्रहार भएको हो । 

कार्कीको सेती अञ्चल अस्पतालमा उपचार भइरहेको प्रहरीले जनाएको छ । गोली हान्ने समूहले उनको साथमा रहेको रकम लुटेर भागेको छ । गोली लागेका कार्कीको हातमा र पाखुरामा चोट लागेको छ । उनको स्थिति भने खतरामुक्त भएको चिकित्सकको भनाइ छ ।

तस्विर : दीपक जोशी / दिनेश एफएम

प्रत्यक्षदर्शीले दिएको जानकारी अनुसार सिद्धार्थ बैंकबाट पैसा झिकेर आइएमइ लैजाने क्रममा उनीमाथि गोली प्रहार भएको थियो । बा ४० प ४४३८ नम्बरको मोटरसाइकलमा आएका दुई जना अज्ञात ब्यक्तिले पुरानो भन्सार रोडमा कार्कीलाई गोली प्रहार गरेर भागेको प्रत्यक्षदर्शीले बताएका छन् । घटनादेखिपछि स्थानीयले प्रहरीलाई खबर गरेका थिए ।