">
- अर्थ सरोकार सम्बाददाता
काठमाडौं – सेन्ट्रल फाइनान्सले १० लाख ८५ हजार ९३९.०७५ कित्ता सेयर बिहिबारदेखि लिलामीमा आउने भएको छ । कम्पनीले संस्थापक तर्फको ९ लाख ८१ हजार ७०८.७२५ कित्ता र सर्वसाधारण तर्फको १ लाख ४ हजार २३०.३५० कित्ता सेयर लिलामीमा विक्री गर्न लागेको हो ।
यस लिलामीमा वैशाख २७ गतेसम्म गोप्य शिलबन्दी बोलपत्र पेश गर्न सकिनेछ । सेयरको न्यूनतम मूल्य रू. १०० तोकिएको छ । बोलपत्र पेश गर्दा तोकिएको मूल्यभन्दा बढी अङ्कित गरी संस्थापक तर्फको लागि न्यूनतम १ हजार कित्ता र सर्वसाधारण तर्फको लागि न्यूनतम १ सय कित्ताका लागि आवेदन दिन सकिनेछ ।
विक्री प्रबन्धक एनआईबिएल एस क्यापिटल लिमिटेडको लालदरबार काठमाडौं, ललितपुर, पोखरा, बुटवल, वीरगञ्ज र विराटनगरका साथै सेन्ट्रल फाइनान्सको केन्द्रिय कार्यालय कुपण्डोलमा समेत बोलपत्र पेश गर्न सकिनेछ । साथै, नेपाल इन्भेष्टमेण्ट बैङ्कको सुर्खेत, नेपालगञ्ज, नारायणगढ र धनगढीमा पनि बोलपत्र बुझाउन सकिने व्यवस्था छ । सबैभन्दा बढी सेयर बोलकबोल गर्ने आवेदकलाई सेयर विक्री गरिने कम्पनीले जानकारी दिएको छ ।
