काठमाडौं – नागरिक लगानी कोषले २२.०६% बोनस सेयर दिने भएको छ । कोषले बोनस सेयरमा लाग्ने कर तिर्न १.१६% नगद लाभांश पनि दिने जनाएको छ । लगानी कोषले गत आर्थिक वर्ष २०७३/७४ को नाफाबाट बोनस र नगद लाभांश दिन लागेको हो । बोनस प्रस्ताव आगामी वार्षिक साधारण सभामा पेश गरिने कोषले जनाएको छ ।

बोनस सेयरका लागि १९ करोड ९२ लाख २८ हजार ९६६ रुपैयाँ र कर तिर्न १ करोड ४ लाख ८५ हजार ७३५ रुपैयाँ खर्च गर्नेछ । यसअघि गत वैशाख ७ गते पनि आर्थिक वर्ष २०७२/७३ को वार्षिक साधारण सभा गरी २२% बोनस र १.१५% नगद लभांश दिने प्रस्ताव पारित गरिसकेको छ । उक्त बोनस नेप्सेमा सूचीकरण हुन बाँकी नै छ ।