">
काठमाडौँ – सरकारले सिन्डिकेट खारेज गरेको विरोधमा यातायात व्यवसायीहरुले गाडी चलाउन बन्द गरेपछि सरकारले शुक्रबार क्यू फ्री गरेको छ । क्यू फ्री भएकाले गाडी चालकले आफ्नो इच्छाअनुसार जुनसुकै रुटमा गाडी चलाउन पाउँछन् । तर भाडा भने सरकारले तोकेभन्दा बढी लिन पाइने छैन ।
सिन्डिकेट कायमै राख्नुपर्ने पक्षमा रहेका केही यातायात व्यवसायीहरुले गाडी नचलाएपछि यातायात व्यवस्था विभागले लामो तथा छोटो दुरीका बिभिन्न रुटमा गाडी चलाउने व्यवस्था मिलाएको जनाएको छ । कम्पनीमा दर्ता भएका केही व्यवसायीहरुले गाडी चलाए पनि सीमित गाडीमा यात्रुको चाप अत्यधिक देखिएको छ ।
विभागका प्रवक्ता तुलसीराम अर्यालले दिएको जानकारीअनुसार काठमाण्डु उपत्यकामा साझा, मयुर, शुभकामना, अन्नपूर्ण, बज्रबाराही लगायतका बस चलाउने व्यवस्था मिलाइएको छ । यसअघि धनगढी–काठमाण्डु रुटमा चल्ने गरेको घोडाघोडी यातायातका बसले पनि काठमाण्डुभित्रै सेवा दिने जानकारी पाएको विभागले जनाएको छ ।
कुन रुटमा कुन गाडी चल्दैछन् ?
इलाम, काकडभिट्टा, भद्रपुर, धरान, विराटनगर, चतरा– साकिरा यातायातका बस ।
सुर्खेत, नेपालगन्ज, दैलेख, जाजरकोट– बुलबुले, देउती र नागरिक यातायातका बस ।
काठमाण्डु–रोल्पा– रोल्पा यातायातका बस ।
काठमाण्डु–प्युठान– नमस्ते प्यूठानका बस ।
रोल्पा–नेपालगन्ज– आशिर्वाद यातायातका बस ।
रुकुम–काठमाण्डु– रुकुम यातायात प्रालिका बस
कोहलपुर, सुर्खेत, काठमाण्डु– मेट्रो सर्भिसका बस ।
बर्दिया, बुटवल, काठमाण्डु– भेरी यातायातका बस
अर्घाखाँची–बुटवल– लंका यातायातका बस
काठमाण्डु, दाङ, नेपालगन्ज, रोल्पा– स्मार्ट नेपालका बस ।
दाङ–काठमाण्डु मालिका कालिका र सहारा यातायाका बस
काठमाण्डु, चितवन र पोखरा– हरियो नम्बर प्लेटका टुरिस्ट बस ।
काठमाण्डु–जनकपुर– चुरिमाई यातायात ।
सर्लाही–जनकपुर– रातुकमला ।
भक्तपुर–काठमाडौँ – शुुभकामना यातायात ।
