×

Live on

रेडियो अर्थ सरोकार

Listen to live radio.

Civil Bank
SANIMA BANK AD

यसपालीको आइक्यान करियर एक्स्पो पनि ‘सुपरफ्लप’, अवलोकनकर्ता भन्दा आयोजक बढी, खोलामै बग्यो लाखौँको लगानी

CITY EXPRESS AD
NABIL BANK
BIZBAZAR
  • अर्थ  सरोकार सम्बाददाता 

काठमाडौँ- केहि समय अघि सुपर फ्लप भएका कारण गत बर्ष आयोजना नभएको सिए करियर एक्स्पो यसपाली पनि सुपर फ्लप भएको छ । गत बैसाख ३१ गते एक्स्पोमा अवलोकनकर्ता कम र आयोजक बढी भएपछि एक्स्पो सुपर फ्लप भएको हो । आइक्यानले सम्बन्धन दिएका संस्थाहरु र आइक्यान मिलेर संयुक्त रुपमा आयोजना गरिएको उक्त एक्स्पोमा अपेक्षा गरिएभन्दा निकै कम विद्यार्थीहरु उपस्थित थिए ।
अर्थ सरोकार सम्बाददाता एक्स्पोमा पुग्दा कतिपय आइक्यानका कर्मचारी कोहि पनि नआएर मोबाइल खेलाएर बसीरहेका थिए । आइक्यानको काउन्सिलिङ गर्ने ठाउँ खाली-खाली थियो भने एक्स्पोमा चहलपहल निकै कम थियो । अझ अचम्मको कुरा त के छ भने सीसीएमए, सीमा, चैतन्य र एओसीका स्टलमा तीनै कोचिङ सेन्टरका कर्मचारी, एक्स्पोका लागि खटाइएका भोल्युन्टरहरु र चिनजानका आधारमा कस्तो रहेछ त एक्स्पो भनेर हेर्न आएकाहरु मात्रै देखिन्थे ।
कोहि नयाँ मान्छे एक्स्पोमा छिरेपछि सबैजस्तो स्टलहरुमा तीनै व्यक्तिमात्र देखिन्थे । उक्त कार्यक्रममा पुगेका थोरै मात्र विद्यार्थीहरुले सबै ठाउँमा काउन्सिलिङ लिएका थिए । यसो त यसरी एक्स्पोमा पुग्ने विद्यार्थीको संख्या ५० जना पनि थिएन । अधिकांस आयोजकहरु विद्यार्थीको ब्यग्र प्रतिक्षामा थिए । कोहि विद्यार्थी अर्को आयोजकको स्टलमा बसीरहेको छ भने पुन: आफ्नामा पनि उनैलाई काउन्सिलिङ हुने गरेको पाइएको थियो ।
     
एक्स्पोमा आयोजकहरु यति फुर्सदिला बनेका थिए कि उनीहरु एक्स्पोमा रमाइलो गफगाफ गर्ने, जिस्किने गरिरहेका थिए । कतिपय स्टलहरुमा विद्यार्थी पर्खेर बसेका आयोजकको दृश्य सार्है खल्लो थियो ।  
स्टलहरुमा विद्यार्थीको ब्यग्र प्रतीक्षा थियो । तर आउनेवाला को नै थियो र ? न एक्स्पोको प्रचार-प्रसार थियो, न त तयारी । न कुनै कलेजका विद्यार्थीलाइ सिए एक्स्पो हुँदैछ भन्ने थाहा नै थियो । आइक्यानले गरेजस्तो गर्ने र आइक्यानले आयोजना गरेपछि सहभागी भइदिउँ न त भन्ने कोचिङ सेन्टरको मनोविज्ञानले मात्र काम गरेको एक्स्पो समग्रमा ‘झुर’ नै थियो भन्दा फरक पर्दैन ।     
एक्स्पोमा आएका अधिकांस एओसीमा झुम्मिए । यसो त अलि बढी चर्चा चलेको संस्था यहि नै थियो एक्स्पोमा । झुम्मिन पनि कति नै झुम्मिउन् र ? आएका नै को नै पो थिए र ? बस् आइक्यानले एक्स्पो गर्यौं भनेजस्तो गर्यो, अरु कोचिङ सेन्टरले पैसा खोलामा बगाए ।    
यसपालीको एक्स्पोले पनि प्राइम सिएलाइ ‘मिस’ गर्यो । आएका थोरै विद्यार्थीहरुमध्ये पनि धेरैले प्राइमको स्टल कता छ भनेर सोधे ? सबैसँग मुसुक्क हाँसेर यहाँ प्राइम छैन भन्नुको विकल्प रहेन ।  
यहाँ भएका कोचिङ सेन्टरमध्ये चैतन्य चाहिं सबैभन्दा कमजोर रहेछ, यो लोकसेवाको लागि चाहिं खतरा सेन्टर हो भन्ने चर्चा पनि केहि विद्यार्थीहरुले गरे ।  एओसीको नतिजालाई सबैले प्रशंसा गरे । सीसीएमएको पूरानो ब्राण्डलाई धेरैले ख्याल गरे । सीमाको शैली धेरैले मन पराए ।   
होइन ! मान्छे त छन् त यो फोटोमा त ! भन्ने लाग्ला, नझुकिनुहोस्,  माथिको फोटोमा २८ जनाको टाउका देखिन सकिन्छ जसमध्ये २१ जना आयोजक हुन् । 
Hamro Parto AD
MEGA BANK AD

प्रतिक्रिया दिनुहोस्

सिफारिस:

GOLDEN OAK AD
अर्थ सरोकार डटकममा प्रकाशित समाचार शुभम् मिडियाको लिखित अनुमतिविना कतैपनि सम्प्रेषण गर्न मनाही छ । हामी अनुसन्धानमा विश्वास गर्छौं । र आजका हरेक पाठकहरु खोजमूलक समाचारका प्यासी छन् भन्ने हामीले बुझेका छौं । त्यसैले देशका विभिन्न ठाउँहरुमा हाम्रा इन्भेष्टिगेसन ब्यूरोहरु छन् । तपाईंसँग पनि केहि समाचार छन्, वा हाम्रा समाचारप्रति कुनै टिकाटिप्पणी वा सुझाव भए सिधै ९८५१०१७९१४ वा ०१-५१९९१०८ मा सम्पर्क गर्न सक्नुहुनेछ । वा [email protected] मा ई-मेल गर्न सक्नुहुनेछ । तपाईंको परिचय गोप्य राखिनेछ । अर्थ सरोकार समाचार प्रभाव हेर्न यहाँ क्लिक गर्नुहोस् ।

© Shubham Media Pvt. Ltd. All Rights Reserved 2022.

Artha Sarokar® Trademark Registered. Regd. No. : 047796

Maintained By : Eservices Nepal