संस्थागत सामाजिक उत्तरदायित्व अन्तर्गत विभिन्न शाखाहरुबाट विभिन्न कार्यक्रमहरु संचालन गर्दै आइरहेको महालक्ष्मी विकास बैंक लिमिटेडले विभिन्न शाखामार्फत विद्यार्थीहरुलाई आर्थिक सहयोग गरेको छ ।
बैंकको मंगलसेन शाखाले श्री मंगला नेपाल राष्ट्रिय उच्च माध्यमिक विद्यालयका आर्थिक स्थिति कमजोर भएका र अध्ययनशील पाँच विद्यार्थीहरुलाई २५ हजार रुपैयाँ बेलौरी शाखाले श्री कल्याण माध्यमिक विद्यालय बेलौरी न.पा. ७ पौलाहा कञ्चनपुरका कक्षा ५,६,७,८ र ९ का विद्यार्थीहरु १० जनालाइ २५ हजार रुपैयाँ र बसुन्धारा शाखाले तिलिङ्गाटार उच्च माध्यमिक विद्यालय, धापासीका दुई विद्यार्थीहरुलाई २५ हजार रुपैयाँ छात्रवृत्तिस्वरुप वितरण गरेको हो ।
यसअघि बैंकको बाँसगढी शाखाले बाँसगढी नगरपालिका वडा नं ०२ राझाँ, बर्दियास्थित श्री नव दुर्गा तरकारी तथा बिउ उत्पादन बहुउद्देश्यीय सहकारी संस्थाको भवनमा वित्तीय साक्षरता कार्यक्रम सम्पन्न गरेको थियो । कार्यक्रममा ८० जनाको सहभागिता रहेको थियो । कार्यक्रममा सहभागीहरुलाई वित्तिय साक्षरता सम्बन्धी जानकारी बाँसगढी शाखाका प्रबन्धक दिपेन्द्र बोहराले गराएका थिए ।
बैंकले आगामी दिनहरुमा पनि सामाजिक उत्तरदायित्व अन्तर्गत अझ प्रभावकारी कार्यक्रमहरु गर्दै जाने प्रतिबद्घता जनाएको छ ।
