काठमाडौं – मिथिला लघुवित्त विकास बैंकको चालु आर्थिक वर्षको तेश्रो त्रैमासमा खुद नाफा ७८ लाख रुपैयाँ कमाएको छ । यो गत वर्षको तुलनामा १५.६६% ले बढेको हो । अघिल्लो वर्षको सोहि अवधिमा मुनाफा ६७ लाख रुपैयाँ कमाएको थियो ।

६ करोड ५९ लाख रुपैयाँ चुक्ता पुँजी भएको मिथिला बैंकले जगेडाकोषमा १ करोड ४९ लाख रुपैयाँ राखेको छ । जसले निक्षेपमा १५ करोड ८० लाख रुपैयाँ संकलन गरेको छ । कर्जामा भने ५४ करोड ३२ लाख रुपैयाँ लगानी गरेको छ । जुन गत वर्षको तुलनमा २९.२८% ले वृद्धि गरेको हो । बैंकको खुद व्याज आम्दानीमा ३.२२% र संचालन मुनाफामा १०% ले वृद्धि गरेको छ ।

बैंकको प्रतिशेयर आम्दानी १५.८६ रुपैयाँ, मुल्य आम्दानीको अनुपात ६९.३६ गुणा, प्रतिशेयर नेटवर्थ १२२.६३ रुपैयाँ र तरलता अनुपात ६.८७% रहेको छ ।