• अर्थ सरोकार सम्बाददाता 

काठमाडौँ- जिल्ला प्रहरी कार्यालय सुर्खेतले एनसीसी बैंकमा कार्यरत तीन जना कर्मचारी पक्राउ गरेको छ । तत्कालिन एपेक्स बैंक शाखा कार्यालय सुर्खेतमा कार्यरत ३ जना कर्मचारीहरुलाई आर्थिक वित्तिय अनुशासन उलंघन गरी बैंकिङ कसुर गरेको अभियोगमा पक्राउ गरिएको प्रहरीले जनाएको छ । राष्ट्र बैंकको छानबिनबाट उनीहरु दोषी ठहर भएका थिए । 

प्रहरीका अनुसार उनीहरूले बैंकबाट अनियमित तबरले कर्जा प्रवाह गरी बैंक घोटाला गरेका हुन् । उनीहरुले कृतिम ऋणी खडा गरि ऋण प्रवाह गरेकोसमेत खुलेको छ । भिरालो पाखोबारी र कमशल जमिन धितो राखेर पनि ऋण प्रवाह गरेको खुलेको छ । त्यस्तै ऋणीको नक्कली आयस्रोत बनाएर पनि ऋण प्रवाह गरेको अनुसन्धानबाट खुलेको छ । प्रहरीका अनुसार उनीहरुले ऋण प्रवाह गर्दा साँक्षी समेत नराखेको खुलेको छ ।