काठमाडौं – जेठ १० गते प्रभु इन्सुरेन्सको विशेष साधारण सभा हुने भएको छ । सभामा ७ जना सञ्चालकहरु चयन गर्ने विशेष प्रस्ताव पेस गर्ने भएको छ । कम्पनीले समूह ‘क’ बाट प्रतिनिधित्व गर्ने ३ जना, समूह ‘ख’ (कर्मचारी संचयकोषबाट मनोनित) बाट १ जना र समूह ‘ग’ (सर्वसाधारण सेयरधनी) बाट ३ जना सञ्चालकहरुको निर्वाचन गरिने जनाएको छ ।

सभा प्रभु इन्सुरेन्सको केन्द्रीय कार्यालय, तिनकुने काठमाडौंमा दिउँसो १ बजे सुरु हुनेछ । सभा प्रयोजनका लागि कम्पनीले वैशाख २८ गतेदेखि जेठ १० गतेसम्म बुक क्लोज गर्नेछ । यता, प्रभु ४६% हकप्रद ल्याउने तयारीमा रहेको छ । कम्पनीले ३१ लाख ६६ हजार ६७७.६३ कित्ता हकप्रद सेयर निष्कासनका लागि धितोपत्र बोर्डसँग अनुमति मागेको छ । यसमा बिक्री प्रबन्धकको काम प्रभु क्यापिटलले गर्नेछ ।