काठमाडौं – धितोपत्र बोर्डले सिद्धार्थ इन्सुरेन्सलाई ३५% हकप्रद सेयर बिक्री गर्न अनुमति प्रदान गरेको छ ।बोर्डले इन्सुरेन्सलाई १०ः३.५ अनुपातमा २२ लाख ४४ हजार ९७३.५० कित्ता हकप्रद सेयर जारी गर्न स्वीकृति दिएको हो । यसमा बिक्री प्रबन्धकको काम एनएमबि क्यापिटलले गर्नेछ । कम्पनीले अब छिट्टै हकप्रद बिक्री खुला गर्नेछ ।

सिद्धार्थले हाल कायम ६४ करोड १४ लाख २१ हजार रुपैयाँ चुक्ता पुँजीबाट हकप्रद निष्कासन गर्न लागेको हो । हकप्रद बिक्रीपछि चुक्ता पुँजी ८६ करोड ५९ लाख १८ हजार ९५० रुपैयाँ हुनेछ । बिमा समितिले निर्जीवन बिमा कम्पनीलाई १ अर्ब रुपैयाँ चुक्ता पुँजी पुर्याउन निर्देशन दिएको छ ।