काठमाडौं – चीन भ्रमणमा रहेका प्रधानमन्त्री केपी शर्मा ओलीले चिनियाँ राष्ट्रपति शी जिनपिङसँग भेटवार्ता गरेका छन् । चीन सरकारको निमन्त्रणामा मंगलबार चीन पुगेका प्रधानमन्त्री ओलीले बुधबार नै चिनियाँ लगानीकर्तासँग ८ सम्झौता गरेका छन् ।
ऊर्जा, जलस्रोत, सिमेन्ट उद्योग तथा फलफूल उद्योग स्थापना गर्नेसम्बन्धी ८ सम्झौतार गरेलगतै चिनिया राष्ट्रपति शी जिनपिङ र प्रधानमन्त्री ओलीबीच भेटवार्ता सुरु भएको हो । ओलीले विहीबार चिनियाँ प्रधानमन्त्रीसँग भेटवार्ता गर्ने भएका छन् । राष्ट्रपति र प्रधानमन्त्रीसँग भेट भएपछि रेलसहितका ८ सम्झौता अरु गर्ने तयारी गरिएको छ ।
