कुमारी बैंक लिमिटेडले आफ्नो संस्थागत सामाजिक उत्तरदायित्व अन्तर्गत “साथ” नामक सामाजिक कल्याण–उन्मुख गैर–सरकारी संस्थालाई नगद रू.एक लाखको सहयोग गरेको छ । बैंकका नायब प्रमुख कार्यकारी अधिकृत राजिब गिरिले एक कार्यक्रमका बीच साथका संस्थापकहरुलाई चेक हस्तान्तरण गरेर सम्पन्न गरे ।
साथले आफ्नो “हकुना मटाटा” परियोजना अन्तर्गत विगत ६ वर्षदेखि एचआइभी संक्रमित परिवारका बालबालिकाको आधारभूत शिक्षा र हेरचाहमा सहयोग पुर्याईरहेको तथा बहिस्कृत वर्गका महिलालाई जीविकोपार्जनका निमित्त सिपमुलक तालिम दिदैँ आईरहेको छ । उक्त कल्याणकारी संस्थाका प्रशंसनीय कार्यहरुलाई प्रोत्साहन दिएर, समाजलाई समावेशी विकासतर्फ धकेल्ने उद्देश्यका साथ बैंकले यस कार्यक्रमको आयोजना गरेको छ ।
आफ्नो संस्थागत सामाजिक उत्तरदायित्व अन्र्र्तगत स्वास्थ्य, शिक्षा, वातावरण लगायतका विभिन्न क्षेत्रमा सहयोग पुर्याउँदै आएको कुमारी बैंकले आगामी दिनमा पनि यस्ता सेवामूलक र अझ प्रभावकारी कार्यक्रमहरु गर्दै जाने प्रतिबद्धता जनाएको छ ।
