काठमाडौं – माछापुच्छ्रे बैंकले डिम्याट खाता खोली बैंकलाई जानकारी गराएका सेयरधनीको लाभांश खातामै ९% बोनस सेयर र ६% नगद लाभांश जम्मा गरेको छ ।
बैंकले डिम्याट खाताको विवरण बैंकमा अभिलेख गराएका सेयरधनीलाई मात्र जम्मा गरिदिएको हो । डिम्याट खाता खोलिसकेका तर बैंक खाता अद्यावधिक गर्न बाँकी रहेका सेयरधनीले लाभांश खातामै पाउनको लागि आफ्नो डिम्याट खाता रहेको कार्यालयमा गएर खाता अद्यावधिक गराउनुपर्नेछ ।
हालसम्म डिम्याट खाता नखोलेका सेयरधनीले लाभांश पाउन अनिवार्य खाता खोल्नुपर्ने बैंकले जनाएको छ । डिम्याट खाता खालेर यसको विवरण बैंकलाई पनि जानकारी गराएपछि मात्र लाभांश जम्मा गरिने भएको हो ।बैंकको मंसिर २८ गते बसेको वार्षिक साधारण सभाबाट लाभांश प्रस्ताव पारित भएको थियो ।
