काठमाडौं – माछापुछ्रे बैंकले पनि व्यक्तिगत ग्राहकहरुलाई उच्च ब्याजदर सहितको मुद्दती निक्षेप योजना सञ्चालनमा ल्याएको छ । बैंकले  ९ महिनादेखि २ वर्ष अवधिको मुद्दति निक्षेपमा १२% ब्याजदर दिने भएको छ । यसैगरी, २ वर्ष भन्दा बढी अवधिको लागि ११% र ९ महिनासम्म ११.५०% ब्याजदर दिने जनाएको छ । यो ब्याजदर बिहीबारदेखि नै लागू भएको छ ।

यस अघि एनआइसी एसिया, सिभल, प्राइम र सेन्चुरी बैंकले पनि ब्याजदर बढाएर १२% भन्दा माथि पुर्याइसकेका छन् । गत आइतबार बैंकर्स संघले मुद्दति निक्षेप र बचतमा तोकिएको ब्याजदरको सीमा खारेज गरेको थियो । त्यसपछि ब्याजदर बढाउन बैंकहरुको प्रतिस्पर्धा नै चलेको छ ।