काठमाडौं – नेप्सेले राधी विद्युत कम्पनीको १०% बोनस सेयरमा मूल्य समायोजन गरेको छ । कम्पनीको बोनस सेयर समायोजनपछि उक्त सेयर प्रतिकित्ता २६१.८२ रुपैयाँलाई आधार मानेर कारोबार सञ्चालन भएको छ । कम्पनीको औसत आधार मूल्य भने १८०.९१ रुपैयाँ हो ।

राधीले असार २४ गते हुने वार्षिक साधारण सभा गर्ने भएको छ । सभामा कम्पनीले १०% बोनस सेयर र कर तिर्न ०.६% नगद लाभांश वितरण गर्ने प्रस्ताव पेश गर्दैछ । सभाको लागि कम्पनीले मंगलबारदेखि बुक क्लोज गरेको हो । सभा अमृतभोग क्याटरिङ कालिकास्थान, काठमाडौंमा बिहान ११ः३० बजे सुरु हुनेछ । हाल राधीको चुक्ता पुँजी ४१ करोड रुपैयाँ छ । बोनसपछि पुँजी ४५ करोड १० लाख रुपैयाँ पुग्नेछ ।