काठमाडौं- रैराङ हाइड्रोपावर डेभलपमेन्ट कम्पनीले ५६ लाख कित्ता सेयर नेप्सेमा सूचीकृत गराएको छ । कम्पनीको सेयर कारोबार १ हप्तापछि सुरु हुनेछ । यसमध्ये हालै बाँडफाँट भएको ८ लाख ४० हजार कित्ता आइपीओ पनि अहिले सूचीकृत भएको हो ।  

यसअघि कम्पनीले वैशाख ३१ गतेदेखि जेठ ३ गतेसम्म कुल ८ लाख ४० हजार कित्ता आइपीओ निष्कासन गरेको थियो । यसमध्ये ३३ हजार ६०० कित्ता कम्पनीका कर्मचारी र ४२ हजार कित्ता म्युचुअल फन्डलाई छुट्याएर बाँकी रहेको सेयर सर्वसाधारणलाई बिक्री गरेको हो । 

  

कम्पनीले जारी पुँजी ५६ करोड रुपैयाँको १५% सेयर निष्कासन गरेको हो । रैराङले यसअघि पाँचथर र ताप्लेजुङ जिल्लाका आयोजना प्रभावित स्थानीयबासीलाई ५ लाख ६० हजार कित्ता आइपीओ बिक्री गरेको थियो ।