• अर्थ सरोकार सम्बाददाता 

काठमाडौँ- नेपाल स्टक एक्सचेञ्जका तत्कालीन महाप्रबन्धक चन्द्र सिंह साउदलाई काममा फर्काउन सर्वोच्च अदालतले आदेश दिएको छ । केपी ओली सरकारले आफ्नो पद खोसेपछि उक्त सरकारी निर्णय कार्यान्वयनविरुद्ध अन्तरिम आदेशको माग गर्दै साउदले बिहीबार सर्वोच्च अदालतमा रिट दायर गरेका थिए । 

सर्वोच्चका न्यायाधीश डम्बरबहादुर शाहीको एकल इजलासले साउदलाई काममा फर्काउन आदेश दिएको हो । चन्द्र साउदजस्तै मन्त्रीपरिषद्को निर्णयबाट पदमुक्त भएका अन्यलाई पनि सर्वोच्चले यसअघि छुट्टा छुट्टै आदेशमार्फत काममा फर्काउन आदेश दिइसकेको छ । यो घटनासँगै नेपाली सेयर बजारमा नयाँ तरङ्ग पैदा भएको छ ।