">
गरिमा विकास बैंक लिमिटेड र मुनाल बचत तथा ऋण सहकारी संस्था लिमिटेड, पोखराबीच गरिमा रेमिट सञ्चालन गर्ने सम्बन्धमा सम्झौता भएको छ ।
सोमबार (साउन १४ गते) गरिमा विकास बैंकको तर्फबाट प्रमुख कार्यकारी अधिकृत गोविन्द प्रसाद ढकाल र मुनाल बचत तथा ऋण सहकारी संस्थाको तर्फबाट अध्यक्ष दुर्गा प्रसाद हुमागाँईले सम्झौतापत्रमा हस्ताक्षर गरेका छन् ।
यस सम्झौता पश्चात मुनाल बचत तथा ऋण सहकारी संस्था लिमिटेडबाट गरिमा रेमिट मार्फत रकम पठाउन, भुक्तानी गर्न तथा खातामा जम्मा गर्न सकिने भएको छ ।
