बैंकले खुद ब्याज आम्दानी ९६ करोड २६ लाख गरेको विवरणमा उल्लेख छ । अघिल्लो वर्ष यस्तो आम्दानी ८७ करोड ७७ लाख रुपैयाँ थियो ।  विवरण अनुसार संचालन नाफा बढेर ७० करोड ८७ लाख पुगेको छ भने ५ रिजर्बकोषको आकार बढाई १ अर्ब ९ करोड पुगेको छ । विवरण अनुसार समीक्षा अवधिमा बैंकले २२ अर्ब ८६ करोड निक्षेप संकलन गरी २० अर्ब १२ करोड कर्जा परिचालन गरेको छ । यद्यपी बैंकले खराब कर्जाको अनुपात भने घटाएको छ । यो अनुपातलाई ०.३२ प्रतिशतमा झार्न बैंक सफल भएको छ । यो अवधिमा बैंकले २१.९४ रुपैयाँ प्रतिसेयर आम्दानी गरेको देखिएको छ ।