">
काठमाडौँ – मानव अधिकारकर्मी कृष्ण पहाडीले सरकार सत्याग्रहप्रति प्रतिकूल र हिंसाप्रति नरम हुँदै गएको आरोप लगाएका छन् ।
सरकारले काठमाण्डुको विभिन्न स्थानमा निषेधित क्षेत्र तोक्नेलगायतका निर्णयको विरोधमा सिंहदरबारको दक्षिणी गेट अगाडि धर्नामा उत्रिएका मनावअधिकारकर्मी पहाडीले सरकार स्वेच्छाचारी ढंगले अगाडि बढेका कारण विरोधमा उत्रिनु परेको बताए ।
उनले विरोध प्रदर्शन जनताको अधिकार भएको हुँदा त्यसलाई निषेध गर्न नहुने बताए । मानव अधिकारीकर्मीहरुले स्वतन्त्रताको रक्षा गर्न सरकारसँग अपिल गर्दै मंगलबार सिंहदरबारको दक्षिण गेट अगाडि एक घण्टा धर्ना दिएका छन् ।
यसैबीच, निषेधित क्षेत्र तोडेर धर्नामा सहभागी भएका पहाडीसहित एक दर्जन बढी मानव अधिकारकर्मीहरुलाई प्रहरीले नियन्त्रणमा लिएको छ ।
मानव अधिकारकर्मीहरुले डा. गोविन्द केसी र गंगामाया अधिकारीको जीवनरक्षा गर्न समेत सरकारको पटक–पटक ध्यानाकर्षण गराउँदै आएका छन् ।
