काठमाडौं – नागबेली लघुवित्त वित्तीय संस्थाको १००% हकप्रद सेयर सुरक्षित गर्ने बुधबार अन्तिम दिन रहेको छ । नागबेलीको हकप्रद सुरक्षित गर्न २ दिन मात्र समय बाकी रहेको छ । यस कम्पनीको हकप्रद खुला गर्नको लागि  असार २१ गते बुक क्लोज गर्ने भएको छ । 

यस कम्पनीले साउन ४ देखि १००% हकप्रद सेयर बिक्री खुला गर्दैछ ।कम्पनीले १ः१ अनुपातमा १०० रुपैयाँ अंकित मूल्यको ७ लाख ६६ हजार ४६३.१५ कित्ता सेयर बेच्न लागेको हो ।  यो हकप्रद भदौ ७ गतेसम्म भर्न सकिनेछ । 

लगानीकर्ताले बिक्री प्रबन्धक एनएमबि क्यापिटल लिमिटेड, नागपोखरी काठमाडौं तथा एनएमबि बैंकका अधिकांश शाखाबाट पनि आवेदन दिन सकिनेछ । एनएमबि क्यापिटलमा भने चेक मार्फत मात्र भुक्तानी गर्न सकिनेछ । यसैगरी, गुडविल फाइनान्सको हात्तिसार, डिल्लीबजार, इन्द्रचोक र कुमारीपाटी शाखा तथा नेपाल धितोपत्र बोर्डबाट अनुमति प्राप्त आस्वा सेवामा सहभागी बैंक तथा वित्तीय संस्थाबाट पनि आवेदन दिन सकिने व्यबस्था छ ।

सेन्ट्रल फाइनान्सको कुपण्डोल र चाबहिल शाखा तथा कामना सेवा विकास बैंक, ज्ञानेश्वर काठमाडौंबाट पनि आवेदन दिने व्यवस्था रहेको छ । हाल नागबेलीको चुक्ता पुँजी ७ करोड ६ लाख ४६ हजार रुपैयाँ छ । हकप्रद बिक्रीपछि चुक्ता पुँजी १५ करोड ३२ लाख ९२ हजार ६३० रुपैयाँ पुग्नेछ ।