काठमाडौं – पञ्चकन्या माई हाइड्रोपावरको ११ लाख कित्ता आइपीओ भर्ने शुक्रबार अन्तिम मौका रहेको छ । पञ्चकन्याको आइपीओमा तेस्रो दिनसम्म ९५ हजार ६०० जना लगानीकर्ताले ६६ लाख ६३ हजार कित्ताका लागि आवेदन दिइसकेका छन् । यो आवेदन मागभन्दा ६.६५ गुणा धेरै हो ।

कम्पनीले ४४ हजार (४%) कित्ता कम्पनीका कर्मचारी र ५५ हजार कित्ता (५%) सामूहिक लगानी कोषलाई छुट्याइएको छ । बाँकी १० लाख १ हजार कित्ता सर्वसाधारणलाई बिक्री खुला गरिएको हो । 

पञ्चकन्याले जारी पुँजीको १०% सेयर सर्वसाधारणलाई बिक्री खुला गरेको हो । यता, सामूहिक लगानी कोषका लागि छुट्याइएको ५५ हजार कित्ता सेयर भने समानुपातिक रुपमा बाँडफाँट गरिसकिएको छ । न्यूनतम ५० कित्तादेखि अधिकतम ५ हजार ५०० कित्तासम्म आवेदन दिन सकिनेछ । 

आवेदन दिने ठाउँ 

लगानीकर्ताले बिक्री प्रबन्धक सनराइज क्यापिटल लिमिटेड कमलपोखरी काठमाडौं तथा पञ्चकन्याको ललितपुर महानगरपालिका, वडा नं ३ पुल्चोकबाट पनि आवेदन दिन सक्नेछन् । 

त्यसैगरी, आस्वा सदस्य सम्पूर्ण बैंक तथा वित्तीय संस्थाबाट भर्न सकिनेछ । सी–आस्वाबाट घरमै बसेर पनि भर्न मिल्नेछ ।