काठमाडौं – सूर्या लाइफ इन्सुरेन्सको १२% बोनस सेयरमा मूल्य समायोजन भएको छ । बोनस समायोजनपछि कम्पनीको सेयर भाउ प्रतिकित्ता ५८०.३६ रुपैयाँ कायम भएको छ । आइताबार सूर्याको सेयर कारोबार यही मूल्यलाई आधर मानेर खुलेको छ । यसको औसत आधार मूल्य भने ७२७.२१ रुपैयाँ छ ।

सूर्याले असार ३२ गते साधारण सभा गर्दैछ । यसका लागि आइतबार बुक क्लोज गरेको हो । सभामा हालै बिक्री गरिएको ४०% हकप्रद भर्नेले पनि पाउने गरी १२% बोनस सेयर र कर तिर्न ०.६३% नगद लाभांश दिने प्रस्ताव लगिनेछ। यसैगरी, १२% बोनस सेयरपछि कायम हुने चुक्ता पुँजी १ अर्ब १३ करोड १९ लाख रुपैयाँको फेरि ७०% हकप्रद बिक्री गर्ने प्रस्ताव पनि सभाको एजेन्डा बनाइने छ ।