काठमाडौं – वोमी माइक्रोफाइनान्सले गत आर्थिक वर्षको चौथो त्रैमासमा खुद नाफा ८६.९७% वृद्धि भएको वित्तीय विवरण सार्वजनिक गरेको छ । कम्पनीले गत आर्थिक वर्ष ३ करोड ९५ लाख ५ हजार रुपैयाँ कमाउन सफल भएको छ  ।  

गत आर्थिक वर्षको असार मसान्तसम्म कम्पनीले खुद ब्याज आम्दानी ३९.६६% वृद्धि गरेर ८ करोड ४२ लाख ३५ हजार रुपैयाँ आम्दानी गरेको छ ।साथै सञ्चालन नाफा ९१.४४% बढाएर ६ करोड ३ लाख १२ हजार रुपैयाँ कमाएको छ । खुद ब्याज आम्दानी र सञ्चालन नाफा बढेकोले खुद नाफा पनि बढाउन मद्दत पुर्याएको छ ।

वोमीले ४५ करोड ४१ लाख ८२ हजार रुपैयाँ निक्षेप संकलन गरी १ अर्ब २३ करोड ८१ लाख ४३ हजार रुपैयाँ कर्जा प्रवाह गरेको छ । यो माइक्रोफाइनान्सको खराब कर्जा १.१३% बाट घटेर ०.६५% मा सीमित भएको छ । यता, कस्ट अफ फन्ड भने १०.०६% बाट १०.८३% पुगेको छ । वोमीले चुक्ता पुँजी ३०% ले वृद्धि गरी १० करोड १० लाख ८८ हजार रुपैयाँ पुर्याएको छ । 

रिजर्भ कोषमा ६ करोड ५४ लाख ३१ हजार रुपैयाँ जम्मा गरेको छ । रिजर्भ कोषमा अघिल्लो वर्ष २ करोड ६१ लाख ३७ हजार रुपैयाँ मात्र थियो । यसको प्रतिसेयर आम्दानी ३९ रुपैयाँ ८ पैसा र प्रतिसेयर नेटवर्थ १६४ रुपैयाँ ७३ पैसा छ ।