काठमाडौं – साउन १५ गतेदेखि वोमी माइक्रोफाइनान्स वित्तीय संस्थाले ११ हजार ५४५ कित्ता सेयर लिलामी गर्ने भएको छ । वोमीले संस्थापक समूहको ३ हजार ८८२.८० कित्ता र सर्वसाधारण समूहको ७ हजार ६६२.२० कित्ता सेयर लिलामी बिक्री गर्न लागेको हो । यसमा साउन २२ गतेसम्म आवेदन दिन सकिनेछ । 

 यसमा बिक्री प्रबन्धक सिद्धार्थ क्यापिटल नारायणचौर नक्साल तथा सिद्धार्थ बैंकका विराटनगर, सुर्खेत, वीरगञ्ज, नेपालगञ्ज, पोखरा, बुटवल र धनगढी शाखाबाट आवेदन दिन पाइन्छ । यसैगरी, वोमीको चितवनस्थित भरतपुर कार्यालयबाट पनि बोलपत्र पेश गर्न सकिन्छ । वोमीको हाल चुक्ता पुँजी ७ करोड ७७ लाख ६० हजार रुपैयाँ छ ।