काठमाडौं – माउन्टेन हाइड्रो नेपालको आइपीओ भर्ने आइतबार अन्तिम मौका रहेको छ । यो आइपिओमा आज कार्यालय समयसम्म आवेदन दिईसक्नुपर्ने छ । कम्पनीले असार २२ गतेदेखि पाँचथर जिल्लाका आयोजना प्रभावित स्थानीयलाई १२ लाख ५० हजार कित्ता आइपीओ बिक्री खुला गरेको हो ।

निष्कासन गरिएको कुल सेयरमध्ये ७ लाख ५० हजार कित्तामा फिदिम नगरपालिका र हलिहाङ् गाउँपालिकाका स्थानीयले मात्र आवेदन दिन पाउनेछन् । बाँकी रहेको ५ लाख कित्तामा भने पाँचथर जिल्लाको अन्य क्षेत्रका बासिन्दाले पनि भर्न सक्नेछन् । आइपीओको अंकित मूल्य प्रतिकित्ता १०० रुपैयाँ छ ।

लगानीकर्ताले फिदिमस्थित माउन्टेन हाइड्रोको आयोजना कार्यालय तथा सेन्चुरी बैंक, प्रभु बैंक, गुडविल फाइनान्स, सप्तकोशी डेभलपमेन्ट बैंक र सिभिल बैंकको फिदिम शाखाबाट आवेदन दिन सक्नेछन् । माउन्टेनको आइपीओमा बिक्री प्रबन्धकको काम सिद्धार्थ क्यापिटलले गरेको छ । हाल यस कम्पनीको जारी पुँजी १ अर्ब २५ करोड रुपैयाँ छ ।