काठमाडौं – कालिका पावर कम्पनीले १२ लाख कित्ता आइपीओ निष्कासन गर्ने भएका छ । धितोपत्र बोर्डले कम्पनीलाई प्रतिकित्ता १०० रुपैयाँको दरमा आइपीओ बिक्री गर्न अनुमति प्रदान गरेको छ । यसको बिक्री प्रबन्धकको काम काठमाडौं क्यापिटल मार्केट र ग्लोबल आइएमई क्यापिटलले गर्नेछन् । कालिकाले जारी पुँजीको २०% आइपीओ सर्वसाधारणलाई बिक्री गर्न लागेको हो ।

कम्पनीले यसअघि आयोजना प्रभावित गोरखा जिल्लाका स्थानीयलाई ६ लाख कित्ता आइपीओ बिक्री गरिसकेको छ । पहिलो चरणमा स्थानीयका लागि जारी पुँजीको १०% आइपीओ बिक्री गरिएको थियो । कम्पनीले गोरखामा ६ मेगावाट क्षमताको दरौदी ए जलविद्युत आयोजना निर्माण गरी सञ्चालनमा ल्याएको छ ।