काठमाडौं – गत आर्थिक वर्षको चौथो त्रैमासमा लुम्बिनी जनरल इन्सुरेन्सले खुद नाफा १४.८६% वृद्धि गरेर ३० करोड १४ लाख रुपैयाँ कमाएको छ । इन्सुरेन्सले अघिल्लो आवको सोही अवधिमा २६ करोड २४ लाख रुपैयाँ नाफा कमाएको थियो । कम्पनीको खुद बिमा शुल्क ७७ करोड ९३ लाख रुपैयाँ रहेको छ । अघिल्लो वर्ष ७५ करोड १२ लाख रुपैयाँ खुद बिमा शुल्क आर्जन गरेको थियो ।

यता, पुनर्बिमा कमिसन ११ करोड ९९ लाख रुपैयाँ पुगेको छ । अघिल्लो आवको सोही अवधिमा ९ करोड ५२ लाख रुपैयाँ मात्र रहेको थियो । लुम्बिनीले चौथो त्रैमाससम्म कुल ४० करोड ६६ लाख रुपैयाँ बराबरको दाबी भुक्तानी गरेको छ । 

चुक्ता पुँजी ८८ करोड रुपैयाँ रहेको यो कम्पनीको जगेडा कोषमा १४ करोड ७५ लाख रुपैयाँ छ । कम्पनीले १५ लाख १८ हजार २८ वटा बिमालेख जारी गरेको छ । हाल यो इन्सुरेन्सको बिमा कोषमा १४ करोड ७५ लाख रुपैयाँ छ । लुम्बिनीको प्रतिसेयर आम्दानी २७ रुपैयाँ १३ पैसा र प्रतिसेयर नेटवर्थ १७१ रुपैयाँ ८८ पैसा रहेको छ ।