- अर्थ सरोकार सम्बाददाता
काठमाडौं – गत आर्थिक वर्षको चौथो त्रैमासमा नेको इन्सुरेन्सले खुद नाफा ३९.५६% वृद्धि गरेर २९ लाख १० हजार रुपैयाँ कमाएको रिपोर्ट सार्वजनिक भएको छ । अघिल्लो वर्ष नेकोले २० करोड ८५ लाख रुपैयाँ खुद नाफा आर्जन गरेको थियो । यस इन्सुरेन्सले ९८ करोड ५० लाख रुपैयाँ खुद बिमा शुल्क आर्जन गरेको छ । अघिल्लो वर्ष यसले ७४ करोड ६८ लाख रुपैयाँ मात्र बिमा शुल्क आर्जन गरेको थियो ।
यता, पुनर्बिमा कमिसनबाट १५ करोड ३३ लाख रुपैयाँ आम्दानी भएको छ । अघिल्लो वर्ष १३ करोड ३२ लाख रुपैयाँ मात्र पुनर्बिमा कमिसनबाट आम्दानी भएको थियो । यस अवधिसम्म कम्पनीले १ अर्ब ६६ करोड ९ लाख रुपैयाँ कुल बिमा शुल्क आर्जन गरेको छ भने ७३ करोड ७७ लाख रुपैयाँ दावी भुक्तानी गरेको छ ।
भुक्तानी हुन बाँकी दावी रकम ४० करोड ४९ लाख रुपैयाँ छ । यस इन्सुरेन्सको जारी बिमा लेखको संख्या २ लाख ६९ हजार ८२२ पुगेको छ । चुक्ता पुँजी १ अर्ब १७ करोड ६२ लाख रुपैयाँ रहेको नेकोको रिजर्भ कोषमा ३३ करोड ७९ लाख रुपैयाँ छ । चुक्ता पुँजीको आधारमा रिजर्भ कोषलाई मजबुत बनाउँदै लैजानुपर्ने देखिन्छ ।
कम्पनीले बिमा कोषको आकार पनि २८ करोड ४३ लाखबाट बढाएर ४२ करोड ९८ लाख पुर्याएको छ । प्रतिसेयर आम्दानी २४ रुपैयाँ ७४ पैसा (वार्षिक) रहेको नेकोको प्रतिसेयर नेटवर्थ १६८ रुपैयाँ ६० पैसा छ ।
