यो अवधिमा नेरुडेको खुद ब्याज आम्दानी ८.७२%ले घटेर २८ करोड ८५ लाख २० हजार रुपैयाँ कमाएको छ ।  अघिल्लो वर्ष नेरुडेको खुद ब्याज आम्दानी ३१ करोड ६१ लाख १४ हजार रुपैयाँ कमाएको थियो  । त्यस्तै गरि सञ्चालन नाफा ४०.४१% ले घटेको छ । अघिल्लो वर्ष सञ्चालन नाफा १४ करोड ८७ लाख ७९ हजार रुपैयाँ रहेकोमा अहिले ८ करोड ८६ लाख ५२ हजार रुपैयाँमा सिमित रहेको छ । खुद ब्याज आम्दानी र सञ्चालन नाफामा गिरावट आएको कारणले नाफा घटेको देखिएको हो ।

कम्पनीले १ अर्ब ५१ करोड ४६ लाख ९९ हजार रपैयाँ निक्षेप संकलन गरेको छ । खराब कर्जा पनि ०.८७% बाट बढेर १.६०% मा पुगेको छ । नेरुडेको चुक्ता पुँजी ३४ करोड ५७ लाख ८० हजार रुपैयाँ छ । जगेडा कोषमा ३३ करोड ९६ लाख ३५ हजार रुपैयाँ जम्मा भएको छ । यसको प्रतिसेयर आम्दानी १६ रुपैयाँ ३२ पैसा र प्रतिसेयर नेटवर्थ १९८ रुपैयाँ २२ पैसा रहेको छ ।