काठमाडौं – प्रोग्रेसिभ फाइनान्सको २८१% हकप्रद सुरक्षित गर्ने मंगलबार अन्तिम दिन रहेको छ । कम्पनीले हकप्रद खुल्ला गर्नको लागि साउन २३ गते बुक क्लोज गर्ने भएको छ । यो हकप्रदसुरक्षित गर्नाको लागि बुक क्लोज हुने १ दिन अघि सेयरधनी बनिसक्नु पर्नेछ । कम्पनीले भदौ ५ गतेदेखि १ः२.८१ अनुपातमा ५९ लाख १ हजार कित्ता हकप्रद सेयर बिक्री खुला गर्दैछ । हकप्रद भर्ने अन्तिम म्याद असोज ८ गतेसम्म हुनेछ ।

यस हकप्रदमा बिक्री प्रबन्धक सनराइज क्यापिटल कमलपोखरी काठमाडौं तथा सनराइज बैंकको विराटनगर, पोखरा, वीरगञ्ज, बुटवल, धरान, नारायणगढ, नेपालगञ्ज, दमक, राजविराज र लहान शाखाबाट आवेदन दिन सकिन्छ । प्रोग्रेसिभको केन्द्रीय कार्यालय न्यूरोड, काठमाडौं र बनेपा शाखाबाट पनि हकप्रदमा आवेदन दिन सकिन्छ ।

 यसैगरी, आस्वा सेवामा सहभागी बैंक तथा वित्तीय संस्थाबाट पनि हकप्रद भर्ने व्यवस्था गरिएको छ । हाल प्रोग्रेसिभको चुक्ता पुँजी २१ करोड रुपैयाँ छ । हकप्रद बिक्रीपछि पुँजी ८० करोड १ लाख रुपैयाँ पुग्नेछ ।