- सम्पादकीय
प्रसङ्ग हो सगरमाथा सिमेन्टको बिज्ञापनको । यो सिमेन्टलाई सम्बन्धित जिल्ला प्रशासन कार्यालयले गुणस्तरहीन प्रमाणित गरी उत्पादनमा समेत रोक लगाएको छ । तर काठमाडौँका मल्टिप्लेक्स सिनेमा हलहरु, ठाउँ-ठाउँका होर्डिहरुमा खुलेआम यो गुणस्तरहीन सिमेन्टको बिज्ञापन भइरहेको छ । तर सम्बन्धित निकायले कसैलाई पनि कारवाहीको दायरामा ल्याएको छैन । अझ सटिक भएर भन्दा काठमाडौँको एफक्यूब लगायतका हल, काठमाडौँका विभिन्न स्थानमा यस्तो गुणस्तरहीन सिमेन्टको प्रचार भइरहेको छ ।
 |
| शनिबार फिल्म हलमा देखिएको सगरमाथा सिमेन्टको बिज्ञापन |
 |
| मिनभवनमा देखिएको सगरमाथा सिमेन्टको बिज्ञापन |
सिमेन्ट कम्पनी त भै नै हाल्यो, यसको बिज्ञापन, प्रचार प्रसारको जिम्मा पाएको आउटरिच नेपाल नामक कमपनीले पनि जनतामाथि झुट थोपरेको छ । उत्पादनमा समेत रोक लागिसकेको सिमेन्ट राम्रो छ भन्दै सिनेमा हलदेखि बजारका चलेका ठाउँहरुमा झुटो प्रचार गरिरहेको छ । कानुनका दफा दफा पल्टाउने हो भने गलत काम गर्नेलाई मात्र होइन त्यसको मतियार बन्नेलाई पनि कारवाहीको व्यवस्था छ । तर यसरी झुटमाथि झुट थोपरेर जनताको आँखामा छारो हाल्ने कमाप्नीलाई कसैले पनि केहि नगर्नुका पछाडी विभिन्न निकायमा यस्ता कम्पनीहरुको साँठगांठ छ भन्ने शंका गर्ने ठाउँ प्रशस्तै छ ।
हुन त घटनाको प्रकृति अजिवको छ । सिमेन्ट गुणस्तरहीन भएको भन्दै सम्बन्धित प्रशासन कार्यालयले प्रेस नोट जारी गरेको छ भने बिज्ञापनको अनुमति दिने काठमाडौँ महानगरपालिकाका सूचना अधिकारी यसबारे आफुलाई थाहा नै नभएको दावी गर्दै आएका छन् । आउटरिच नेपालका सीइओ फोन अफ गरेर बसेका छन् भने यस्तो संवेदनशील कुरामा आफ्नो प्रतिक्रिया दिइरहेका छैनन् । समग्रमा सबै मिलेर जनताको आँखामा छारो हालिएको छ तर कसैले यसतर्फ ध्यान दिएको पाइएको छैन ।
 |
| प्रशासन कार्यालयले जारी गरेको प्रेस नोट |
यो पनि पढ्नुहोस् :
विज्ञापनका नाममा बदमासी : सगरमाथा सिमेन्ट र ‘आउटरिच नेपाल’लाई यस्तो ‘हर्कत’ गर्ने अधिकार कसले दियो ?
