काठमाडौंमा आगामी मंसीरको पहिला साता ‘बिल्डिङ तथा कन्सट्रक्सन एक्स्पो’ आयोजना हुने भएको छ ।
युथ कम्युनिटी फर नेप्लिज कन्ट्रयाक्टरले आईतबार काठमाडौंमा पत्रकार सम्मेलन गरी आगामी मंसीर ६ गतेदेखि ९ गतेसम्म सो एक्स्पो आयोजना गर्न लागिएको जानकारी गराएको हो । नविनतम प्रविधिको प्रयोग गरी सुरक्षित आवास निर्माणका लागि आवश्यक जानकारी दिन एक्स्पो आयोजना गरिएको युथ कम्युनिटी फर नेप्जिल कन्ट्रयाक्टरका अध्यक्ष आनन्द सुुवेदीले जानकारी दिए ।
काठमाडौंको भृकुटीमण्डपमा आयोजना हुने एक्स्पोमा घर बनाउन चाहानेहरुलाई इन्जिनियरिङ, बास्तुबारे निःशुल्क परामर्श लिन पाउने व्यवस्था गरिनेछ । ४ दिनसम्म चल्ने मेलामा २ सय बढि स्टल रहने बताइएको छ । २ लाख बढिले एक्स्पो अवलोकन गर्ने अपेक्षा पनि गरिएको छ ।
प्रतिक्रिया दिनुहोस्