काठमाडौँ – नारायणहिटी दरवार संग्रहालयमा राखिएको श्रीपेच हेर्न प्रधानमन्त्री केपी शर्मा ओली नारायणहिटी दरबार जाने भएका छन् ।

नारायणहिटीस्थित शैलुन कक्षमा राखिएको श्रीपेच प्रदर्शनीमा ल्याइने भएकाले प्रदर्शनी कक्षमा ल्याउने सिलसिलामा प्रधानमन्त्री ओलीले अवलोकन गर्न लागेका हुन् ।

२९ कार्तिकमा सार्वजनिक प्रदर्शनी ल्याइने राजाले लगाउने श्रीपेच, बोक्ने राजदण्ड, रानीले लगाउने टायरा लगायतका सामाग्री आजै प्रदर्शनी कक्षमा रहेको बुलेटप्रुफ शोकेसभित्र राखिँदैछ ।

बुलेटप्रुफ सोकेशभित्र राखिएको श्रीपेच प्रधानमन्त्री केपी शर्मा ओलीले अवलोकन गरेपछि सार्वजनिक प्रदर्शनीमा ल्याइने छ ।श्रीपेच, राजदण्ड, रानीले लगाउने टायरा, एउटा झारी, चमरसहितका सामग्री बुलेटप्रुफ शोकेसभित्र आजै राख्ने कार्यक्रम छ ।