- अर्थ सरोकार सम्बाददाता
काठमाडौं – एनसीसी बैंकको आर्थिक वर्ष २०७५/७६को प्रथम त्रैमासको वित्तिय विवरण सार्वजनिक भएको छ । सार्वजनिक भएको विवरण अनुसार बैंकको खुद नाफा ८६.५३% ले वृद्धि गरेर ४६ करोड ९१ लाख ३७ हजार रुपैयाँ कमाएको छ । गत वर्ष बैंकले २५ करोड १४ लाख ९६ हजार रुपैयाँ मात्र खुद नाफा आर्जन गरेको थियो ।
बैंकको खुद ब्याज आम्दानी ८० करोड ८० लाख ७५ हजार रुपैयाँ कमाएको छ । यो आम्दानी गत वर्षको तुलनामा १३२.४५% ले धेरै हो । गत वर्षको यही अवधिमा खुद ब्याज आम्दानी ३४ करोड ७६ लाख २४ हजार रुपैयाँ मात्र थियो । यस्तै, सञ्चालन नाफा पनि ८०.१९% ले बढाएर ६१ करोड ३० लाख ८१ हजार रुपैयाँ पुर्याएको छ ।
बैंकले निक्षेप संकलन ६२ अर्ब ८४ करोड ३० लाख २८ हजार रुपैयाँ गरेर कर्जा प्रवाह ५७ अर्ब ३० करोड १९ लाख ४३ हजार रुपैयाँ गरेको छ भने जगेडा कोषमा ४ अर्ब ९० करोड ८० लाख ७८ हजार रुपैयाँ रहेको छ ।
बैंकको खराब कर्जा ३.६९% रहेको छ भने प्रतिसेयर आम्दानी ४० रुपैयाँ ५ पैसा र प्रतिसेयर नेटवर्थ २०५ रुपैयाँ ४ पैसा छ ।
