काठमाडौँ – नयाँ अनलाइनको भव्य उद्घाटन भएको दिनदेखि बिग्रिएको नेप्सेको वेव साइटमा अझै समस्या देखिएको छ । आइतबार बजार खुलेको त देखाइएको छ तर कतिले बजार घट्यो वा बढ्यो कुनै बेला नदेखाउने र कुनै बेला १८ अंकले बजार घटेको देखाइएको छ । कतिपय ठाउँमा साइट नै खुलेको छैन । कतिपय ठाउँमा खुल्दै बन्द हुँदै भइरहेको छ ।  कतै नेप्सेको मिटर चलेको छ, मार्केट विवरण आएको छैन भने कतै मिटर नै चलेको देखाइएको छैन । 

नेप्सेको कामले बजारप्रतिको लगानीकर्ताको मनोविज्ञानलाई असर गर्नेमा कुनै पनि शंका छैन । नेप्सेको यो रबैयाले एकातर्फ अनलाइनप्रति लगानीकर्ताको विस्वास घटेको छ भने अर्कोतर्फ बजारलाई यसले ठूलो प्रभाव पारेको देखिएको छ ।

अर्कोतर्फ नेप्सेको अनलाइनको काम गर्ने वाईको नामक कम्पनीले जे गरेपनि लगानीकर्ताले स्वीकार्नुपर्ने हो वा सहनु पर्ने हो र ? भन्ने प्रश्न पनि उठेको छ । यस्तै हो भने लगानीकर्ताहरुले कुनै दिन भाटो लिएर नेप्से घेराउ नगर्लान भन्न सकिन्न ।

यहि बेला नेप्से भने प्राविधिक समस्या भइरहेको भनी पन्छिरहेको छ । कतै भने यस्तो विवरण देखाइएको छ । तर यो मार्केट विवरण पनि ठिक हो कि होइन भन्ने एकिन गर्न सकिने कुनै आधार नै छैन ।