- अर्थ सरोकार सम्बाददाता
काठमाडौँ- नेपाल ईन्भेष्टर्स फोरमको बुधबार बसेको बैठकमा अध्यक्ष अम्बिकाप्रसाद पौडेलले राजीनामा दिएपछि सो पत्र छोटेलाल रौनियारले राजीनामा च्यातेका छन् । पौडेलले अवको अध्यक्ष छोटेलाल हुने प्रस्ताव गरेर राजीनामा पत्र पढेपछि रौनियारले फोरमको अध्यक्ष पौडेल नै हुनुपर्ने भन्दै राजीनामा पत्र च्यातेका हुन् । पौडेल अर्थ मन्त्रालयद्धारा गठित मुद्रा र पूँजी बजारसम्बन्धी अध्ययन समितिका सदस्य थिए ।
यता बैठकमा उपाध्यक्ष रौनियारले आफु किन पचिल्लो गतिविधिमा संलग्न हुन नसकेकोबारे पनि स्पष्टीकरण दिएका छन् । उनले आफु पारिवारिक कारणले पछिल्लो गतिबिधिमा संलग्न हुन नपाएको भन्दै बैठकमै दुखेसो समेत गरेका थिए । केहि समययता उनी आफ्नी छोरीको विवाहमा व्यस्त थिए ।
पौडेलले आफ्नो कार्यकालको स्वर्णिम पललाई अंगालेर फोरमबाट बिदा हुन खोजेका छन् भने रौनियार अहिले आफ्नो विवादित छविका कारण तत्काल अध्यक्ष हुन नपरे हुन्थ्यो भन्ने पक्षमा छन् ।
