काठमाडौँ- सेयर लगानीकर्ता दबाब समूहको अनसन सोमबार पनि जारी छ । अर्थमन्त्रीको राजीनामासहित १० बुँदे माग राख्दै सुरु भएको अनसन आज दोश्रो दिन पनि जारी रहेको हो । दोश्रो दिनसम्म आइपुग्दा अनसनमा सहभागीहरुको संख्या झन् बढेको छ । अनसनमा विभिन्न क्षेत्रका लगानीकर्ताहरुले साथ दिइरहेका छन् । नेपाल पूँजीबजार लगानीकर्ता संघले पनि अनसनमा एक्यबद्धता जनाएको छ ।
यसैक्रममा अनसनस्थलमा पुगेका अर्थ सरोकारकर्मीसँग कुराकानी गर्दै अनसन स्थलमा बसीरहेका ७६ बर्षीय वृद्धा चिनिया लालले अहिलेको अर्थमन्त्रीले केहि नजानेको आक्रोश पोखेका छन् । आफु निकै समय अगाडीको लगानीकर्ता भएको बताउँदै उनले नेपालका हाइड्रोपावरहरु ‘चोरबहादुर’हरुले डुबाएको आरोपसमेत लगाएका छन् । हेरौं यो भिडियो :
