">
- अर्थ सरोकार सम्बाददाता
काठमाडौँ- चार्टड एकाउन्टेन्टलाई हेप्ने आशयसहित मेगा क्यापिटल मार्केट्स लिमिटेडले सिएहरुलाई एशिष्टेन्ट तहमा मागेको खबर अर्थ सरोकार डटकमले खुलासा गरेपछि अन्तत: मेगा क्यापिटल मार्केट्सले उक्त भ्याकेन्सी सच्याएको छ । नेपालमा सिएको स्कोप घटीरहेको चर्चा चलिरहेका बेला मेगा बैंक लिमिटेडको ‘विंङ’ मेगा क्यापिटल मार्केट्सले सिए पास नभएका सेमी क्वालिफाईड र पास भएका सिएहरुका लागि उही भ्याकेन्सी निकालेको थियो । शुक्रबार द हिमालयन टाइम्स पत्रिकामा सूचना निकाल्दै कम्पनीले उक्त पदमा सिए नभई सेमी क्वालिफाइड सिए / एसीसीए मागेको भनी आफ्नो पूर्व भ्याकेन्सी नोटिस सच्याएको हो । उक्त पदमा आवेदन दिने समयसमेत थप गरिएको ।
अर्थ सरोकारको समाचारपछि मेगा बैंकमा कार्यरत र नेपाल चार्टड एकाउन्टेन्ट्स संघमा कार्यकारी समितिको सदस्यसमेत रहेका, धेरै सिएहरुका विश्वास पात्र मानिएका सन्दीप बाबु पौडेलको विशेष पहलमा यो भ्याकेन्सी सच्चिएको हो । यस्तै हेपाहा प्रवृतिका भ्याकेन्सी निकाल्ने ग्लोबल आइएमइ र एभेरेष्ट बैंकले भने भ्याकेन्सी सच्याएका छैनन् ।
यस्तो थियो अर्थ सरोकारले प्रकाशन गरेको समाचार :
यस्तो पनि दिन आयो… ! मेगाको एसिष्टेन्ट तहमा क्वालिफाईड सिए र सेमी-क्वालिफाईडलाई एउटै भ्याकेन्सी !
