- मनोज आत्मिय/अर्थ सरोकार डटकम
काठमाडौँ – २ नं. प्रदेश प्रहरी कार्यालय जनकपुरबाट खटिएको टोलिले अवैध हुण्डी कारोबारमा संलग्न ४ जना पक्राउ गरेको छ। जनकपुर उप-महानगरपालिका वडा नं. ११ किशोरी नगरमा रहेको रामेश्वोर शाहको घरबाट अवैध हुण्डी कारोबार गर्न राखिएको नगद रू. ८३ लाख ५७ हजार र विविन्न बैंकको ३० थान चेक र भौचर सहित ६ थान मोबाइल बरामत भएको छ ।
प्रहरीका अनुसार उक्त कारोबारमा संलग्न भारत मधुवनी बस्ने सन्तोष महतो, मधुवनीकै नरेश महतो, जनकपुर उप-महानगरपालिका बस्ने विजय यादव र मोख्तार अहमद पक्राउ परेका छन्। यस घटनाको जिल्ला प्रहरी कार्यालय धनुषाले थप अनुसन्धान गरिरहेको प्रहरीले जनाएको छ ।
