काठमाडौं – जेबिल्स फाइनान्सको ९ लाख ९७ हजार ६२८ कित्ता सेयर लिलामीको बोलपत्र आज (पुस २० गते) खोलिँदैछ । बिक्री प्रबन्धक सनराइज क्यापिटलको कार्यालय कमलपोखरी काठमाडौंमा दिउँसो ३ बजे बोलपत्र खोलिनेछ ।

जेबिल्सले पुस १० गतेदेखि संस्थापक समूहको ६ लाख ६५ हजार ९५५.५० कित्ता र सर्वसाधारण समूहको ३ लाख ३१ हजार ६७२.५० कित्ता सेयर लिलामीमा बिक्री खुला गरेको हो ।

हाल यस कम्पनीको चुक्ता पुँजी ७३ करोड ८२ लाख १० हजार रुपैयाँ छ । बाँकी रहेको सेयर लिलामीमा बिक्री भएपछि चुक्ता पुँजी ८० करोड ९० लाख ७७ हजार ५०० रुपैयाँ पुग्नेछ ।