">
- अर्थ सरोकार सम्बाददाता
चितवन – नेपाल बैंकबाट ग्राहकको सुन हराएको खुलासा भएको छ । चितवनमा खगराज पाठकको झण्डै ६ तोला बढी सुन बैंककै कर्मचारीको हातबाट गायब भएको हो । नेपाल बैंक गीतानगर शाखामा गीतानगर निबासी पाठक १ वर्ष अगाडि बैंकमा सुन राखेर १ लाख ४५ हजार नगद पैसा निकालेका थिए । तर १ वर्ष पछाडि सुनको समयावधि थप गर्न जाँदा बैंकबाटै सुन हराएको हो । बैंकका कर्मचारीको चरम लापरबाहीका कारण यस्तो घटना भएको पाठकको आरोप छ । यसअघि अन्य अन्य बैंकबाट सुन हराएको खबरसमेत अर्थ सरोकार डटकमले सार्वजनिक गरेको थियो । तर सुन हराएको पीडामा रहेका उनलाई बैंकका कर्मचारीले सुन लगेको भनेर जवरजस्ती सही गर्नुस भनेर दवाव दिएको पाठक बताउँछन् ।
यद्यपी आफुले सुन लगेको भनी सही नगरेको उनको भनाइ छ । र आफूलाई जानकारी बिना त्यत्रो सुन बैंकबाटै हराउनु सुन कर्जाका कर्मचारी सुजन कोईराला र बैंकको चरम लापरबाही भएको उनको भनाइ छ । यद्यपी यो बिषयमा बुझन सुन कर्जाका कर्मचारी सुजन कोईरालाको मोबाईल फोनमा कुरा गर्दा उनले अर्को साथीलाई फोन दिएका थिए । आफनो परिचय नबताएका ती साथीले भाईले नजानेर यस्तो गरेछ भन्दै गैर जिम्मेवार कुरा गरी आवश्यक कुरा बुझ्न परे अफिसमै आउनु भन्दै फोन राखेका थिए ।
