- अर्थ सरोकार सम्बाददाता
काठमाडौँ – केहि समय अघि सार्वजनिक भएको पानामा पेपर्सजस्तै नेपालबाट शंकास्पद अकुत सम्पत्ति विदेशी बैंकमा लगेर राखेको खुलासा एक अन्तराष्ट्रिय खोजपत्रकारिताले गर्ने भएको छ । नेपालिक्स नाम दिइएको उक्त खुलासामा ५४ अर्ब रुपैयाँभन्दा बढि रकम विदेशी बैंकमा रहेको र त्यसमा संलग्नहरुको नाम खुलासा हुने खोजपत्रकारिता केन्द्र नेपालले ट्विटमार्फत जानकारी दिएको छ।
पनामा पेपर्स, स्विस लिक्स र अन्तर्राष्ट्रिय खोजपत्रकारिता समूह (आईसीआईजे) मार्फत यसको खोजी गरिएको बताइएको छ । पचासभन्दा बढी नेपाली (व्यापारी र राजनीतिज्ञ लगायत) को नाम रहेको आशंका व्यक्त गरिएको छ। नेपाल ट्याक्स हेभन लिङ्स भनिएको यसको खुलासामा भने ‘नेपालिक्स’ नामाकरण गरिएको छ।
यो वित्तिय अपराधको सबैभन्दा ठूलो खुलासा हुने खोपकेको दाबी छ ।
