काठमाडौं – कञ्चन डेभलपमेन्ट बैंकले आर्थिक वर्ष २०७५/७६को दोस्रो त्रैमासको वित्तीय विवरण सार्वजनिक गरेको छ । सार्बजनिक भएको विवरण अनुसार बैंकले खुद नाफा ६८.६८% वृद्धि गरेर ३ करोड ६१ लाख १२ हजार रुपैयाँ नाफा कमाएको छ । गत वर्ष बैंकले २ करोड १४ लाख ८ हजार रुपैयाँ नाफा कमाएको थियो ।
बैंकको खुद ब्याज आम्दानी ३६.४९% ले वृद्धि गरि ११ करोड १० लाख ९२ हजार रुपैयाँ पुर्याएको छ। गत वर्ष ८ करोड १३ लाख ८९ हजार रुपैयाँ ब्याज आम्दानी गरेको थियो । यो त्रैमासमा सञ्चालन नाफा ५.३०% ले घटेको छ।
यता बैंकले ४ अर्ब ६४ करोड ८५ लाख ३७ हजार रुपैयाँ निक्षेप संकलन गरि ४ अर्ब १२ लाख ३९ हजार ८९ रुपैयाँ कर्जा प्रवाह गरेको छ। हाल बैंकको चुक्ता पुँजी ५३ करोड १३ लाख रुपैयाँ पुगेको छ भने जगेडा कोषमा ९ करोड ९७ लाख ४० हजार रुपैयाँ जम्मा गरेको छ।
यो त्रैमासमा बैंकको खराब कर्जा ०.८३% रहेको छ भने प्रतिसेयर आम्दानी १३ रुपैयाँ ५९ पैसा र प्रतिसेयर नेटवर्थ ११८ रुपैयाँ ७७ पैसा रहेको छ ।
