नेपाल इन्सुरेन्स कम्पनीले ६५% हकप्रद सेयर बिक्री गर्ने भएको छ । उक्त हकप्रद बिक्रि गर्नको लागि कम्पनीले  माघ २७ देखि २९ गतेसम्म बुक क्लोज गर्ने भएको छ । २५ गते शुक्रबार र २६ गते शनिबार भएकाले यी दुवै दिन सेयर कारोबार हुँदैन् । यसर्थ, लगानीकर्ताले माघ २४ गते बिहीबार नै सेयरधनी भइसक्नुपर्नेछ ।

नेपाल इन्सुरेन्सले हकप्रद सेयर बिक्री गर्न धितोपत्र बोर्डबाट अनुमति पाइसकेको छ । कम्पनीले १ः०.६५ अनुपातमा ४० लाख १४ हजार ६५१.५८ कित्ता हकप्रद सेयर बिक्री गर्न लागेको हो । यो हकप्रदको बिक्री प्रबन्धक ग्लोबल आइएमई क्यापिटल रहेको छ ।