- अर्थ सरोकार सम्बाददाता
काठमाडौँ- ऊर्जा, जलश्रोत तथा सिंचाईमन्त्री वर्षमान पुन अस्पताल भर्ना भएका छन् ।आज अपरान्ह ५ बजे पुल्चोकस्थित मन्त्री क्वाटरको ट्वाईलेटमा रिंगटा लागेर लडेपछि उनलाई थापाथलीस्थित नर्भिक अस्पताल भर्ना गरिएको उनका नीजि सचिव दुर्गाप्रसाद चापागाँईले जानकारी दिए । नर्भिक अस्पतालका चिकित्सक डा.यादव भट्टसहितको टोलिले मन्त्री पुनको उपचार गरिरहेको छ ।
डा. भट्टका अनुसार मन्त्री पुनको ब्लड प्रेसर सामान्य छ । उनको अहिलेको स्थिति सामान्य छ । यद्यपी आज भने उनलाई अस्पतालमै राखिने बताइएको छ । मन्त्री पुनको स्वस्थ्य अवस्था बुझ्न नेकपाका अध्यक्ष तथा प्रधानमन्त्री केपी शर्मा ओली केहीबेर अघि अस्पताल पुगेका छन् । अन्य केहि मन्त्रीहरु पनि अस्पताल पुग्ने क्रम जारी रहेको बताइएको छ ।
