माउन्टेन हाइड्रो नेपालको १८ लाख १६ हजार ११० कित्ता आइपीओ भर्ने आज अन्तिम दिन रहेको छ । कम्पनीले जारी पुँजीको १४.५३% सेयर सर्वसाधारणलाई बिक्री खुल्ला गरेको हो । तर, यसअघि आयोजना प्रभावित स्थानीयका लागि निष्कासन गर्दा नबिकेको ५ लाख ६६ हजार ११० कित्ता समेत थप गरेर सर्वसाधारणलाई बिक्री खुल्ला गरेको हो । दुवै गरी कुल १८ लाख १६ हजार ११० कित्ता बिक्रीमा ल्याइएको हो ।

यसमध्ये ३६ हजार ३२२ (२%) कित्ता कर्मचारी र ४० हजार कित्ता सामूहिक लगानी कोषलाई बाँडफाँट गरिसकिएको छ । अब बाँकी रहेको १७ लाख ३९ हजार ७८८ कित्ता सेयर सर्वसाधारणलाई खुला गरिनेछ । यसमा बिक्री प्रबन्धकको सिद्धार्थ क्यापिटले गर्नेछ ।