• अर्थ सरोकार सम्बाददाता 

काठमाडौँ- शेयर लगानीकर्ता दवाब समुहको शान्तिपूर्ण आन्दोलनमा प्रहरीले दमन गरेको छ । विभिन्न माग राखी धीतोपत्र बोर्डमा समूहले गरेको तालाबन्दी सुरक्षाकर्मीले तोडेको छ । तालाबन्दी भएपछि बाेर्डले सुरक्षाकर्मी डाकेको थियो । त्यसपछि प्रहरीले लगानीकर्ताहरुले लगाएको ताला तोडेको हो । 

प्रहरी परिचालन भएपछि बोर्ड परिसर तनावग्रस्त भएको थियो । प्रहरी परिचालन भएसँगै लगानीकर्ता झन् आक्रोशित हुँदै आन्दोलन थप चर्काउने चेतावनी दिएका छन् । शेयर लगानीकर्ता दबाब समूहका अध्यक्ष हरि ढकालको नेतृत्वमा गएको टोलीले बोर्डको कार्यालय जावलाखेलमा तालाबन्दी गरेको थियो ।